فلپائن میں بس حادثے میں 13 طلباء ہلاک

مہر خبررساں ایجنسی نے غیر ملکی ذرائع کے حوالے سے نقل کیا ہے کہ فلپائن میں بس حادثے کے نتیجے میں 13 طلبا ہلاک اور 40  زخمی ہوگئے ہیں۔ اطلاعات کے مطابق فلپائن میں طلبا کو سیروتفریح  کے لئے لےجانے والی بس بریک فیل ہونے کے باعث حادثے کا شکار ہوگئی جس کے نتیجے میں 10 طلبا موقع پر ہی ہلاک ہوگئے جب کہ دیگر کو زخمی حالت میں فوری طور پر اسپتال پہنچایا گیا جہاں 3 طلبا زخموں کی تاب نہ لاتے ہوئے دم توڑ گئے، واقعے میں ڈرائیور بھی ہلاک ہو گیا۔پولیس کے مطابق بس میں ڈرائیور سمیت 50 طلبا اور ایک استاد موجود تھے جب کہ اونچائی پر چڑھتے ہوئے ڈرائیور بس کا کنٹرول کھو بیٹھا جس کے نیتجے میں حادثہ پیش آیا، حادثے میں زخمی ہونے والے کئی طلبا کی حالت تشویشناک ہے۔